شنبه, جنوري 22, 2022
Homeخبرونهچین ته د جلغوزیو د صادراتو په زياتوالي اود نورو توليداتو په...

چین ته د جلغوزیو د صادراتو په زياتوالي اود نورو توليداتو په استولو خبرې وشوې

تاند:( شنبه، د قوس ديارلسمه)‏ ‏د طالبانو د بهرنیو چارو وزارت سر‍‍پرست مولوي امیر خان متقي، نن په کابل کې د چین ولسي جمهوریت له سفیر وانګ یو سره وکتل.

د بهرنيو چارو وزارت د اعلامیې په اساس، په دې کتنه کې دواړو لوریو دافغانستان او چین ترمنځ پر سیاسي اړیکو، سوداګرۍ، د بشري مرستو د پراختیا او افغان محصلینو ته د تخنیکي زده‌کړو د چمتو کولو په اړه هر اړخیزې خبرې وکړې.

‏دغه راز په کتنه کې په ځانګړي ډول د افغانستان او چین ترمنځ د سوداګرۍ پر پراختیا بحث وشو او له افغانستان څخه چین ته د جلغوزو د صادراتو پر زیاتوالي او همدارنګه چین ته له نورو لارو د افغان تولیداتو پر رسولو هم خبرې وشوې.

په اعلامیه کې د دغو موضوعاتو په اړه نور جزییات نه دي ورکړل شوي.

چين د طالبانو له مهمو سيمه ييزو متحدينو ګڼل کېږي، خو تر اوسه يې د نورې ټولې نړۍ په شان د دوی واکمني په رسميت نه ده پېژندلې.

د يو شمېر شنونکو په باور چين او نورو طالب پلوو هېوادونو يوه هم په افغانستان کې د دې ډلې له واکمنیدو وروسته د دوی هغسې ملاتړ نه دی کړی، چې تمه يې کيده.

افغانستان د طالبانو د واکمنیدو له کبله بېساري اقتصادي سقوط، بشري ناورين او نورو بحرانونو سره لاس و ګریوان دی.

LEAVE A REPLY

Please enter your comment!
Please enter your name here

- Advertisment -

ادب