جمعه, جنوري 21, 2022
Homeخبرونهفوزیه کوفي: روسیه کې ط د افغان ښځو صدراعظمي هم منله، خو...

فوزیه کوفي: روسیه کې ط د افغان ښځو صدراعظمي هم منله، خو اوس یې درس ته نه پریږدي

تاند:( دوشنبه، د قوس پینځلسمه)‏‏له طالبانو سره د تېر جمهوري نظام د مذاکراتي پلاوي غړې فوزیه کوفي وایي، چې طالبانو په روسیه کې له افغان ښځینه فعالانو سره د یوې ناستې پر مهال ان د صدراعظمۍ تر څوکۍ د ښځو د حقونو موضوع تایید کړې وه، خو اوس ان ښځو ته د زده کړو اجازه نه ورکوي.

مېرمن کوفي په یوه ټلویزوني مرکه کې وویل، چې دوی نور د طالبانو پر ژمنو بې باوره شوي دي.

د هغې په خبره، طالبانو نه یوازې د ښځو د حقونو، بلکې په ډېرو نورو برخو کې د خپلو دریځونو د نرمیدو په اړه نړۍ او افغانانو ته دروغ وویل.

فوزیه کوفي له نړیوالې ټولنې غواړي، چې د طالبانو له منګولو او ظلم څخه د ټولو افغانانو، په خاصه توګه د ښځو د ژغورلو لپاره په عاجل ډول لاس په کار شي.

هغه دا هم وايي، چې له هېواده بهر ده او د هېواد د ژغورلو لپاره فعالیتونه کوي، خو زر به بیرته هېواد ته ور وګرځي او خلک به په سختو شرایطو کې یوازې پرې نه ږدي.

نوموړې د خپلو سیاسي او نورو فعالیتونو په تړاو زیات جزییات نه دي ورکړي.

طالبانو د فوزیه کوفي څرګندونو ته غبرګون نه دی ښودلی.

فوزیې د ښځو د حقونو په اړه د طالبانو د عمومي مشر( چې هغوی یې امیرالمومنین بولي) وروستی فرمان غولونکی بللی او ویلي، چې په دې ډول دوی د افغانانو او نړۍ سترګو ته خاورې اچوي.

2 COMMENTS

  1. ته خو يوه فاجره بي حيا فاحشه او ويني څښونکې ښځه يې.دغه ټولي بدبختۍ د تا نجسې د لاسه دي.ټول کورنۍ د په چورچپاول غرقه ده. تف لعنت په تاسو وي.

  2. يو خو دې ستاسو په نوم لعنت وي، اوس هم شرم نه لری ناسته په امريکا کې او د ښځو د حقونو له نوم نه اوس هم چې زور کې ډالر را پورته سي

LEAVE A REPLY

Please enter your comment!
Please enter your name here

- Advertisment -

ادب