جمعه, جنوري 21, 2022
Homeخبرونههند ته د پوتین سفر، پر افغانستان خبرې یې یوه مهمه اجنډا...

هند ته د پوتین سفر، پر افغانستان خبرې یې یوه مهمه اجنډا ده

تاند:( دوشنبه، د قوس پینځلسمه)‏‏د روسیې ولسمشر ولادیمیر پوتین په یوه رسمي سفر نن د هندوستان پلازمېنې نوې ډیلۍ ته روان شوی.

ټاکل شوې، چې د افغانستان پر وضعیت خبرې د هغه او د هندي صدراعظم نریندرا مودي د لیدنې یوه مهمه اجنډا وي.

څو ورځې مخکې په هندوستان کې د روسیې سفیر وویل، چې هېواد یې د هند له هغو اندیښنو سره همغږی دی، چې د افغانستان د وضعیت په اړه لري.

هغه د دغو اندیښنو په اړه نور جزییات نه وو ورکړي، خو ویل کیږي چې هند پر طالبانو د پاکستان له ډېر نفوذ څخه اندیښمن دی او ډاریږي، چې دافغانستان خاوره یې د پاکستان لخوا پر ضد ونه کارول شي.

طالبانو بیا ویلي، چې د هیچا تر اغېزې لاندې نه دي او متوازن بهرنی سیاست یې غوره کړی.

له دې سره، پاکستان د هند او افغانستان د اړیکو ترمنځ خنډ یایږي.

پاکستان کافي موده افغانستان ته د هغو ۵۰ زره ټنه غنمو د استولو مخنیوی وکړ، چې هندوستان د پاکستان په لاره افغانانو ته استول.

LEAVE A REPLY

Please enter your comment!
Please enter your name here

- Advertisment -

ادب