جمعه, جنوري 21, 2022
Homeخبرونهامیرخان متقي د يوه پلاوي په ملتيا ترکمنستان ته تللی

امیرخان متقي د يوه پلاوي په ملتيا ترکمنستان ته تللی

تاند:( جمعه، د جدي څلور ویشتمه) د طالبانو د بهرنيو چارو د سرپرست وزير مولوي امير خان متقي په مشرۍ د دوی يو لوړ پوړی پلاوی نن جمعه د ترکمنستان هيواد په بلنه مرکز عشق آباد ته تللی.

د طالبانو په يوه اعلاميه کې راغلي، چې دغه پلاوی به د کوربه هیواد له چارواکو سره پردوه اړخیز تجارت، انرژۍ، نفتي موادو، ريل پټلۍ، ټاپي، ټاپ او تعليمي بورسونو په هکله خبرې وکړي.

سرچينې د یادو خبرو په اړه ډېر جزییات نه دي ورکړي.

څه موده مخکې د افغانستان او ترکمنستان پر ګډه پوله د طالبانو او ترکمنستاني ځواکونو د نښتې راپور هم ورکړل شوی و.

طالبانو او ترکمنستان دا نښته رد کړې وه، خو ویل کیږي چې د منځنۍ اسيا ډېر هېوادونه پر افغانستان د طالبانو له واکمنۍ څخه اندیښمن دي او وېره لري چې د دوی تر چتر لاندې به د منځني اسيا د اړوندو هېوادونو ترهګرې ډلې یادو هېوادونو ته ګواښ رامنځته کړي.

طالبان، چې د منځنۍ اسيا له هېوادونو سره تر ډېره د روسیې په هڅو ښې اړيکې لري، یادې اندیښنې بې ځایه ګڼي او ټينګار کوي، چې د افغانستان له خاورې به هیڅ هېواد ته خطر نه پيښيږي.

LEAVE A REPLY

Please enter your comment!
Please enter your name here

- Advertisment -

ادب