جمعه, جنوري 21, 2022
Homeخبرونهډاکټر سکندر او يو بل تښتول شوی کس له اختطافګرو څخه را...

ډاکټر سکندر او يو بل تښتول شوی کس له اختطافګرو څخه را خوشې کړای شول

تاند:( جمعه، د جدي څلور ویشتمه) طالب چارواکو ويلي، چې د المپیک ملي کمیټې د تکواندو رئیس ډاکټر نجيب الله سکندر، چې څو ورځې وړاندې د اختطافګرو لخوا تښتول شوی و، نن ناوخته د کابل ښار په خوشحال خان سیمه کې د دوی د د استخباراتي ځواکونو لخوا د اختطافګرو له منګولو آزاد شو.

د‌ طالبانو د اعلامیې په اساس، په دې تړاو ۸ کسان نیول شوي چې له ځینو سره وسلې هم شته.

د‌ يوه بل خبر له مخې: په ‏هرات کې یو تنکی ځوان هم نن د انسان تښتوونکو له منګولو وژغورل شو.

طالبان وايي، چې یاد ځوان له بکراباد سیمې تښول شوی و او د ګذرې ولسوالۍ په “ده نو” کلي کې وموندل شو.

ویل شوي، چې د دې ځوان د خلاصون په عملیاتو کې یو انسان تښتوونکی وژل شوی او درې نور نیول شوي دي.

د طالبانو له واکمنیدو سره د اقتصادي او بشري ناورين له کبله د انسان تښتونې او نورو جنايي پېښو د زیاتېدو خبرونه ورکړل شوي.

طالبان بيا د دې پېښو د مهارولو په برخه کې د ډېرو لاسته راوړنو خبر ورکوي.

LEAVE A REPLY

Please enter your comment!
Please enter your name here

- Advertisment -

ادب